Portuqaliyalı ulduz Kriştiano Ronaldo növbəti fərdi mükafata layiq görülüb.

Apasport.az xəbər verir ki, 41 yaşlı hücumçu 2008-ci il performansına görə bütün zamanların “Qızıl top”u (“Ballon d'Or of All Time”) mükafatının qalibi seçilib.

Ronaldo mükafatı qazandıqdan sonra azarkeşlərə təşəkkür edib:

“Futbol azarkeşlərə məxsusdur. Dünyanın hər yerindəki bütün azarkeşlərə təşəkkür edirəm. Bütün zamanların ‘Qızıl top’ mükafatı həm də sizindir”.

Qeyd edək ki, Kriştiano Ronaldo 2008-ci ildə “Mançester Yunayted”in heyətində İngiltərə Premyer Liqasının və UEFA Çempionlar Liqasının qalibi olub. O, həmin il karyerasında ilk dəfə “Qızıl top” mükafatını qazanıb.

Portuqaliyalı futbolçu ümumilikdə beş dəfə – 2008, 2013, 2014, 2016 və 2017-ci illərdə “Qızıl top”a sahib çıxıb.

• Karate millimiz Fransaya yollanır
• Kəmər güləşi üzrə Avropa çempionatına start verildi
• Azərbaycanlı gimnastdan tarixi uğur
• Samir Abasov: “Kameranı söndürün, qadınlar çıxsın, mən danışım”
• “Rizespor”dan inamlı qələbə