"Qarabağ"ın futbolçusu Olavio Juninyo “Flamenqo”ya transfer olunub.

Apasport.az xəbər verir ki, 28 yaşlı hücumçu Braziliya klubu ilə müqavilə imzalayıb.

Bunu Ağdam təmsilçisinin mətbuat xidməti açıqlayıb.

Juninyo 2028-ci ilə qədər Braziliya klubunun şərəfini qoruyacaq. O, komandada 23 nömrəli formanı geyinəcək.

2023-cü ilin yayından Azərbaycan çempionunun formasını geyinən braziliyalı forvard bu müddətdə 81 oyunda 42 qol vurub. O, Premyer Liqada 48 (23 qol), ölkə kubokunda 6 (5 qol), avrokuboklarda 27 (14 qol) matç keçirib.

O, komanda ilə ölkə çempionu və kubokunun qalibi olub.

• “Heydər Əliyev Kuboku”na start verildi
• “Real”ın rekord transferi
• Qurban Qurbanov: "Məğlub ola bilərik, amma..."
• Rəşad Sadıqov: "Özüm haqda tənqidləri eşitməmişəm" - VİDEO
• “Liverpul” onu istəyir