“Kəpəz” Misli Premyer Liqasının 2023/24 mövsümündə ilk böyükhesablı qələbəsini qazanıb. 

Apasport.az xəbər verir ki, Gəncə təmsilçisi səfərdə “Qəbələ”ni 3:0 hesabı ilə məğlub edib.

Qərblilər sonuncu dəfə üç və ya daha çox top fərqli qələbəyə ötən mövsümdə sevinmişdi. 2022-ci il oktyabrın 29-da “Səbail”lə qarşılaşan “Kəpəz” 3:0 hesablı ev qələbəsindən 406 gün sonra eyni nəticəyə imza atıb.

Gəncəlilər rəqib meydanındakı böyükhesablı qələbəni isə 2772 gün sonra əldə edib. 7 il 7 ay öncə - 2016-cı il mayın 7-də “Xəzər Lənkəran”ın qonağı olan “Kəpəz” rəqib qapısından 3 top keçirib.

Qeyd edək ki, bu klub tarixində Premyer Liqada qazanılan 94-cü böyükhesablı qələbə olub.
 

• Taekvondo millimizdə baş məşqçi dəyişikliyi
• Şahmatın 2 növü üzrə Azərbaycan çempionatı keçiriləcək
• Mariya Stadnik yarımfinalda!
• Karateçimiz qızıl medal qazandı
• Legionerindən “Qəbələ”yə “yox” cavabı