“Qarabağ”ın futbolçusu Marko Yankoviçin durumuna aydınlıq gəlib.

Apasport.az saytının məlumatına görə, bunu klubun mətbuat xidməti açıqlayıb.

Konfrans Liqasının pley-off mərhələsində “Gent”lə ilk oyununda zədələnən yarımmüdafiəçinin aldığı xəsarət ciddidir. Bu, Yankoviçin həkim müayinəsindən keçməsindən sonra bəlli olub.

Markonun sol baldır əzələsində 2-ci dərəcəli yırtılma aşkar edilib. Həkimlərin rəyinə əsasən, futbolçu zədə səbəbindən 4 həftə yaşıl meydanlardan kənar qalacaq.

Qeyd edək ki, “Qarabağ” fevralın 23-də “Gent”lə cavab matçına çıxacaq.

• İdmanı qurban verən ULDUZLAR
• “Bavariya” hücumçusu ilə danışıqlara başlayır
• “Qarabağ” Avropada irəlilədi: “Fənərbaxça”nı geridə qoydu
• "Milan"ın kapitanı gəmini tərk edə bilər
• Xavyer Munyos: "Bilirdik ki, hansı komanda ilə oynayırıq"