Azərbaycanın 21 yaşadək futbolçulardan ibarət yığması öz meydanında uduzub.

Apasport.az saytı xəbər verir ki, milli AVRO-2025-in seçmə mərhələsi çərçivəsində Şimali İrlandiyaya məğlub olub.

Oyunun taleyini bir qol həll edib. Rəqib komandanın heyətində Makqukin 19-cu dəqiqədə fərqlənib. Şimali İrlandiya yığmasının üzvü 36-cı dəqiqədə qırmızı vərəqə alıb və komandamız penalti vurmaq hüququ qazanıb. Amma Camal Cəfərov qeyri-dəqiq zərbə vuraraq, hesabı bərabərləşdirmək şansını qaçırıb.

Qeyd edək ki, Azərbaycan millisi qrupun ilk qarşılaşmasında Serbiyaya (0:2) uduzub.
 
AVRO-2025, seçmə mərhələ
F qrupu
Azərbaycan – Şimali İrlandiya – 0:1
Qol: Makqukin, 19
 

• Messiyə Səudiyyə Ərəbistanından 400 milyonluq təklif
• Azərbaycanlı qadın şahmatçı Ermənistan təmsilçisinə qalib gəldi
• Fransa İngiltərəni məğlub edib, yarımfinala çıxdı - YENİLƏNİB
• Cüdo üzrə Qarabağ və Şərqi Zəngəzur bölgəsi üzrə region birincilikləri keçiriləcək
• Millimizin üzvü assist etdi, komandası 1 xal qazandı