UEFA Konfrans Liqasının II təsnifat mərhələsində keçiriləcək “Zirə” - “DAK 1904” (Slovakiya) oyununun biletləri iyulun 23-də, saat 10:00-dan etibarən satışa çıxarılacaq.

Apasport.az klubun mətbuat xidmətinə istinadən xəbər verir ki, biletlərin qiyməti sektorlara əsasən müvafiq olaraq 2, 5, 10 və 20 manat təşkil edir.

Azarkeşlər biletləri Zirə İdman Kompleksi, “Dalğa Arena” və Tofiq Bəhramov adına Respublika stadionunun kassalarından ala bilər.

Qeyd edək ki, komandalar arasında ilk matç iyulun 25-də Bakıda, cavab qarşılaşması isə bundan bir həftə sonra Slovakiyada baş tutacaq.

• Məhəmməd Adıyev: “Azərbaycana məğlubiyyət mənim üçün ağırdır"
• Yunis Hüseynov: “Qarabağ”ın qələbəsinə şübhəm yoxdur”
• AFFA-nın bayrağı altında keçirilən liqalarda 2024/2025 mövsümünün püşkü atılıb
• Ölkə birinciliyində qaliblərin adları bilindi
• Ayxan Abbasov: "Xarakterlərimiz düz gəlmirsə, davam etmək doğru deyil"