Azərbaycanın yunan-Roma güləşçisi Həsrət Cəfərov Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında final görüşünə çıxıb.

Apasport.az xəbər verir ki, 67 kq çəki dərəcəsində yarışan idmançımız həlledici matçda iranlı Saeid Esmaili ilə qarşılaşıb.

Təmsilçimiz rəqibinə 3:8 hesabı ilə məğlub olaraq İslamiadanı gümüş medalla başa vurub.

***

13:58

Azərbaycanın yunan-Roma güləşçiləri Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında bu gün mübarizəyə başlayıblar.

Apasport.az xəbər verir ki, 67 kq çəki dərəcəsində yarışan Həsrət Cəfərov yarımfinalda misirli Mohamed Abdelrehimlə qarşılaşıb.

Təmsilçimiz 4:1 hesabıyla qalib gələrək finala yüksəlib.

Həlledici görüşdə təmsilçimizin rəqibi iranlı Saeid Esmail olacaq. 

Xatırladaq ki, daha əvvəl bu cütlük dünya çempionatının finalında üz-üzə gəlib. Görüş iranlı idmançının qələbəsi ilə yekunlaşıb - 1:2.

***

12:25

Azərbaycanın yunan-Roma güləşçiləri Səudiyyə Ərəbistanının paytaxtı Ər-Riyadda keçirilən VI İslam Həmrəyliyi Oyunlarında bu gün mübarizəyə başlayıblar.

Apasport.az xəbər verir ki, Həsrət Cəfərov (67 kq) qırğızıstanlı Razzak Beişekeyevlə üz-üzə gəlib.

Təmsilçimiz 5:3 hesabıyla qalib gələrək yarımfinala yüksəlib.

• Azərbaycan Kuboku: 4 komanda 1/8 finala yüksəldi - YENİLƏNİB
• “Parma” baş məşqçisi ilə vidalaşdı
• Azərbaycanda federasiya prezidenti istefa verdi
• “Borussiya” evdə məğlub oldu
• “Sabah” – "Selye" oyununa 3000 bilet satılıb