Belarus və Mərakeş yığmaları Azərbaycanla oyun üçün Bakıda

18.07.2022 - 13:21

Kişi voleybolçulardan ibarət Azərbaycan millisi Avropa çempionatının təsnifat mərhələsinə məşqləri Bakıda davam etdirir.

Apasport.az saytının məlumatına görə, hazırlıq planına uyğun olaraq yığmamız paytaxtda təlim-məşq toplanışı çərçivəsində bir neçə yoxlama görüşü də keçirəcək.

Millimiz Mərakeş və Belarus yığmaları ilə üz-üzə gələcək. Hər iki komanda artıq Bakıdadır və bu gün Voleybol Mərkəzində ilk məşqlərinə çıxıblar. Komandalar bir-birini də məhz bu arenada sınağa çəkəcəklər. Pərviz Səmədovun rəhbərlik etdiyi milli sınaq qarşılaşmalarını saat 17:00-da keçirəcək.

Azərbaycan millisinin yoxlama görüşləri
18 iyul
Azərbaycan - Belarus
19 iyul
Azərbaycan - Mərakeş
21 iyul
Azərbaycan - Belarus
22 iyul
Azərbaycan - Mərakeş