İnanıram ki, bu cür yarışlar və yüksək səviyyəli təşkilatçılıq Azərbaycanın çimərlik voleyboluna böyük uğurlar qazandıracaq.

Apasport.az AVF-nin mətbuat xidmətinə istinadən xəbər verir ki, bu sözləri çimərlik voleybolu üzrə ölkə çempionatının qalibi olan "Azərreyl-1" klubunun üzvü Larisa Smeltsova deyib.

24 yaşlı voleybolçu çempionluq təəssüratlarını bölüşüb:

“Bu il yeni qaydalarla və fərqli formatda keçirilən yarışda “Azərreyl-1" klubunda çıxış etdim. Həmçinin komanda yoldaşım da dəyişmişdi. Buna baxmayaraq, biz uğurlu çıxış etdik. "Azərreyl" klubu çimərlik voleybolunda da çempionluq seriyasını davam etdirir. Biz çempion olduq və beynəlxalq yarışda ölkəmizi təmsil etmək hüququ qazandıq. Yarışın təşkilatçılığı yüksək səviyyədə idi. Hər il daha maraqlı çempionat olur. İnanıram ki, bu cür yarışlar və yüksək səviyyəli təşkilatçılıq Azərbaycanın çimərlik voleyboluna böyük uğurlar qazandıracaq".

Qeyd edək ki, ötən gün başa çatan çimərlik voleybolu üzrə Azərbaycan çempionatının finalında "Azərreyl-1" klubu “Murov Az Terminal”ı (2:0, 2:1) məğlub edərək yarışın qalibi olub.

• “Nant”ın qapıçısı: “Qarabağ”la oyundakı səhvlərimizi bilirik”
• Azərbaycan - Belarus matçından öncə sükut elan ediləcək
• Çingiz Hüseynzadə: “Bütün olimpiyaçılarımızdan yaxşı nəticələr gözləyirik"
• "Mançester Siti"nin futbolçusu həbs edilib
• “Neftçi” Futbol Akademiyasının direktoru: “Gələndə şok oldum” - VİDEO