"Real Madrid"in baş məşqçisi Karlo Ançelotti Toni Kroos və Luka Modriçin komandadakı gələcəyi ilə bağlı danışıb.

Apasport.az xəbər verir ki, o, bu barədə mətbuat konfransında jurnalistlərin suallarını cavablandırıb. 

“Toni və Luka ilə danışıqlar Çempionlar Liqasının finalından sonra aparılacaq. Onların "Real Madrid"də qalmasını istəyirəm. Kroos bu il "Ballon dor"a layiqdir, lakin onun qazanacağı ehtimalı azdır. O, Çempionlar Liqasını və Avropa Çempionatını qazanarsa, şansı var”. 

Xatırladaq ki, hər iki futbolçunun "kral" klubu ilə müqaviləsi yayda başa çatır.

Qeyd edək ki, Çempionlar Liqasının finalı iyunun 1-də “Uembli” stadionunda keçiriləcək. Həlledici görüşdə “Real” Dortmund “Borussiya”sı ilə qarşılaşacaq.

• “Formula 1”-in Bəhreyn və Səudiyyə Ərəbistanı mərhələləri Yaxın Şərqdə vəziyyətə görə ləğv edilib
• Samir Abasov da getsə... - "Qarabağ" ona görə "Qarabağ"dır
• "Sabah"dan yeni transfer
• PFL və AFFA idman jurnalistləri arasında intellektual yarış keçirib
• İtaliya millisinin üzvü Premyer Liqa klubunda - RƏSMİ