İspaniya qadınlar liqasının VI turunda “Barselona” “Real”ı böyük hesabla məğlub edib.
Apasport.az xəbər verir ki, “Spotify Camp Nou”da keçirilən “El-Klassiko” Kataloniya təmsilçisinin 7:0 hesablı qələbəsi ilə başa çatıb.
“Barselona”nın heyətində Klaudiya Pina 4 qol vurub. Karolin Qrem Hansen, Eva Payor və Sidni Şertenleyb hərəyə bir dəfə fərqləniblər. Payor qol vurmaqla yanaşı, 2 məhsuldar ötürmə də edib.
Görüşü stadiondan 40 533 azarkeş izləyib. Bu, İspaniya qadınlar liqası tarixində yeni tamaşaçı rekordu olub.
“Barselona” bu qələbədən sonra 6 oyundan maksimum 18 xal toplayaraq turnir cədvəlində liderliyini möhkəmləndirib.
“Real” isə ilk məğlubiyyətini alaraq 13 xalda qalıb.
Qeyd edək ki, “Barselona” növbəti turda “Logronyo” ilə, “Real” isə “Espanyol”la qarşılaşacaq.
Oxşar xəbərlər
Ana səhifə
Bütün xəbərlər