Azərbaycan millisi seçmə mərhələlərdə keçirdiyi ev oyunlarındakı qələbə həsrətinə son qoyub.

Apasport.az xəbər verir ki, yığmamız 2263 gündən sonra doğma azarkeşlər önündə sevinib.

Canni de Byazinin yetirmələri AVRO-2024-ün seçmə oyununda İsveçi 3:0 hesabı ilə məğlub edib. Bunadək son ev qələbəsi DÇ-2018-in seçmə mərhələsində qeydə alınmışdı.

2017-ci il sentyabrın 5-də San-Marinonu qəbul edən millimiz 5:1 hesablı qələbəyə sevinib. İki böyükhesablı qalibiyyəti ayıran 2263 gündə isə uğur yığmadan üz döndərib.

Bu müddətdə milli 12 ev qarşılaşmasını qələbəsiz bitirib. DÇ-2018-in bir, AVRO-2020-nin və DÇ-2022-nin hərəsində dörd, AVRO-2024-ün üç qarşılaşmada 3 xal həsrəti yaşanıb.

• 30 milyon avroluq transfer
• Skandinaviya kuponu
• Avarçəkənimiz dünya çempionatında iştirak edəcək
• “Apasport”dan 8 uduş, “Ödənişli” kuponlardan daha bir dubl
• Ronaldo Millətlər Liqasının oyunlarına dəvət alıb