Uzun müddət adı “Qarabağ”la hallanan Aleksey Kaşuk daha bir klubumuzun transfer siyahısında yer alıb.
Apasport.az saytına verilən məlumata görə, ukraynalı yarımmüdafiəçini heyətində görməkdə iddialı olan kollektiv “Neftçi” olub.
Bununla bağlı Kaşuka təklif də göndərilib. Ona 3 illik müqavilə təklif edilib. Lakin Kaşukun Azərbaycana qayıtmaq istəmədiyi bildirilir. Belə ki, son günə qədər Aleksey Premyer Liqamızda deyil, daha iddialı çempionatlarda oynamaq istədiyi üçün klublarımızın təklifindən imtina edib. Lakin 24 yaşlı futbolçu onu qane edən təklifləri ala bilməsə, yenidən Azərbaycana qayıtmaq variantını gözdən keçirəcəyini də onunla əlaqəyə keçən klublarımızın nümayəndələrinə bildirib.
“Şaxtyor”un yetirməsi olan Kaşuk hazırda azad agent statusuna malikdir. O, karyerası ərzində icarə əsasında “Mariupol”, “Sabah” komandalarında oynamışdı.
Oxşar xəbərlər
Ana səhifə
Bütün xəbərlər
Hesabım