Buenos-Ayresdə Argentina millisinin DÇ-2022-dəki qələbəsi şərəfinə keçirilən çempionat paradı zamanı bir azarkeş körpüdən yıxılıb.

Apasport.az xəbər verir ki, hazırda fanatın vəziyyəti stabil olaraq qiymətləndirilir.

İlkin hesablamalara görə, Buenos Ayresdə 3-4 milyon insan küçələrə çıxıb. Onlar əksər yolları bağlayıb və nəqliyyatın hərəkətini iflic ediblər. Avtobusda olan Argentina milli komandası bu səbəbdən marşrutu dəyişərək helikopterlə getməli olub.

Qeyd edək ki, dekabrın 18-də Argentina millisi DÇ-2022-nin finalında Fransa yığmasını məğlub edərək 3-cü dəfə dünya kubokunu qazanıb. Bu hadisənin şərəfinə prezident Alberto Fernandes dekabrın 20-nin istirahət günü elan edilməsi haqqında fərman imzalayıb.

• "Turan Tovuz"un rəqibləri müəyyənləşdi
• Renduliç: "Biz yaxşı deyildik, "Neftçi" pis idi"
• Federasiya prezidenti vəzifəsindən kənarlaşdırıldı
• Münhendə “qol yağışı”, "Benfika" Lissabonda uduzdu
• “Apasport”dan yutub KUPONU