Ermənistanın paytaxtı İrəvanda keçirilən ağırlıqqaldırma üzrə Avropa çempionatınının açılış mərasimində Azərbaycan bayrağını yandıran Aram Nikolyan polis idarəsinə aparılıb.

APA xəbər verir ki, o, İrəvan polis idarəsinin Şaumyan rayon şöbəsində dindirilib. İdarənin qarşısına Nikolyanı dəstəkləyənlər toplaşıb.

Bir müddət sonra Aram Nikolyan polis idarəsini tərk edib. O, kütlə tərəfindən polis idarəsinin qarşısında alqışlarla qarşılanıb.

Vəkil Aleksandr Koçubayev bildirib ki, müdafiə etdiyi şəxsə qarşı heç bir ittiham irəli sürülməyib.

Qeyd edək ki, aprelin 23-dək keçiriləcək yarışda Azərbaycanın 4 idmançısı mübarizə aparacaq. Azərbaycandan ilk olaraq körpücük üzərinə aprelin 15-də Nazilə İsmayılova (49 kq) çıxacaq.

• Dünya Təsnifat Turniri: Güləşçilərimizin rəqibləri müəyyənləşdi
• “Qarabağ”ın rəqibi 1 milyonluq futbolçu alır
• “Atalanta”dan yeni transfer
• “Arsenal”ın hücumçusundan MİLLİ SEÇİMİ
• "Cenoa" baş məşqçisi ilə müqavilə müddətini uzadıb