Stolüstü tennis üzrə Azərbaycan çempionatına start verilib.

Apasport.az xəbər verir ki, “Şüa” İdman Kompleksində keçirilən yarışa respublikanın müxtəlif şəhər və rayonlarını təmsil edən idmançılar qatılıblar.

Stolüstü tennisçilər 4 gün davam edəcək çempionatda komanda, şəxsi, qoşa və qarışıq-qoşa növlərində mübarizə aparacaqlar.

Çempionatın ilk günündə komanda yarışlarının qalibləri müəyyənləşib. Kişilərin mübarizəsi “Bakı-1” kollektivinin qələbəsi ilə yekunlaşıb. “Bakı-3” ikinci, “Bakı-2” və “Şabran” komandaları üçüncü yeri tutublar.

Qadınların yarışında “Sumqayıt-1” qalib olub. “Bakı-1” ikinci, “Bakı-2” ilə “Sumqayıt-2” komandaları üçüncü pillədə qərarlaşıblar.

Qeyd edək ki, ölkə çempionatında fərqlənən idmançılara Gənclər və İdman Nazirliyinin medal və diplomları, həmçinin Azərbaycan Stolüstü Tennis Federasiyasının mükafatları təqdim olunacaq. Yarışa aprelin 8-də yekun vurulacaq.

• Ronaldinyo Kimdir? Futbolun Gülən Üzü və Sehrbazı
• “Apasport”dan ON UDUŞ
• Larisa Smeltsova: “Biz uğurlu çıxış etdik”
• "Kəpəz"in legioneri: “Azərbaycanda futbolun səviyyəsi Albaniyadakından daha üstündür”
• "Bavariya"ya qarşı matçda "Real"ın qapısını kim qoruyacaq?