Monteneqronun Budva şəhərində 22 yaşadək boksçular arasında Avropa çempionatı davam edir. 

Apasport.az xəbər verir ki, bunu Azərbaycan Boks Federasiyasının mətbuat xidməti açıqlayıb.

Yarışın ikinci günündə Azərbaycan millisinin daha 3 idmançısı qələbə qazanıb. Avropa çempionumuz Nicat Hüseynov ilk görüşündə Françesko Messineo (Almaniya) ilə qarşılaşıb. 51 kq çəkidə mübarizə aparan boksçu inamlı qələbə qazanıb – 5:0 (29:28, 30:27, 30:27, 30:27, 30:27). O, 1/4 finalda ilk mərhələdən azad olan italiyalı Fares Al-Assi ilə döyüşəcək. Görüş noyabrın 16-da olacaq.

Avropa çempionatının finalçısı Ruslan Qədirov (54 kq) də mərhələ adlayıb. O, 1/8 finalda Tommaso Skiaccanı (İtaliya) 3:2 (29:28, 29:28, 29:28, 28:29, 28:29) hesabı ilə məğlub edib. Qədirov noyabrın 16-da baş tutacaq 1/4 finalda türkiyəli Kaya Canla qüvvəsini sınayacaq.

60 kq-da Maqsud Xasmetov Berat Çiveleki (Türkiyə) mübarizədən kənarlaşdırıb. Milli üzvü 5:0 (29:28, 29:28, 29:28, 29:28, 29:28) hesabı ilə qələbə qazanıb. O, noyabrın 14-də 1/8 final çərçivəsində irlandiyalı Kallum Ovenslə münasibətinə aydınlıq gətirəcək. 
Qeyd edək ki, yarışın üçüncü günündə Azərbaycan millisinin 6 boksçusu rinqə çıxacaq.
 

• Təkli kupon
• Cümə KUPONU
• "Qarabağ"ın kapitanı: "Alonso taktiki cəhətdən “Qarabağ”dan üstün olmadı"
• İnfantino: “Mundialda komanda sayı artırılacaq”
• "Liverpul" ondan narazıdır