Futbol üzrə Azərbaycan millisinin baş məşqçisi Canni de Byazi AVRO-2024-ün seçmə qrup mərhələsi çərçivəsində Estoniya ilə səfər matçı öncəsi mətbuat konfransı keçirib. Apasport.az Sport24.az-ın Tallinə ezam olunmuş əməkdaşına istinadən xəbər verir ki, italiyalı mütəxəssis jurnalistlərin suallarını cavablandırıb.
- İlk matçdakı oyunun prizmasından yanaşdıqda, sabahkı matçdan nə gözləyirsiniz?
- İlk yarıda Estoniyaya qarşı ləng idik. Fasilədən sonra daha uğurlu olmuşduq. Sabah da elə oynamağa çalışacağıq.
- Sabahkı matçda məqsədiniz qələbədi?
- Heç bir məşqçi oyundan əvvəl bərabərlik və ya məğlubiyyət barədə danışmır. Ümid edirəm ki, sabah qalib gələcəyik. Mütləq şanslardan yararlanmalıyıq.
- Müdafiədəki boşluqları doldurmaq çətin olmayacaq? Nə Bəhlul Mustafazadə var, nə də Bədavi Hüseynov. Hücum xəttinin futbolçularının yaxşı formada olması, heyəti formalaşdırmaqda problem yaratmır?
- Mən burda olduğum müddətdə hansı hücumçu çox qol vurub? Ən çox vuran da 2 qol vurub. Bombardirimiz Emin Mahmudovdu. Mən hələ də gözləyirəm ki, forvardların ayağı açılacaq.
- Geridə qalan 4 oyunda millimiz 1 xal toplayıb. Bunu edə bilən yetərincə mütəxəssisimiz var. Sizdən gözləntimiz bu 1 xal deyil. Qeyd edirsiniz ki, rəqiblər ağırdı, amma Qazaxıstan güclüləri devirə bilir. Sabah da turnir cədvəlində Estoniyanı qabaqlaya bilməsəniz, öz işinizə necə qiymət verəcəksiniz?
- Kimin güclü olduğunu meydan göstərəcək. Verdiyiniz suala cavabı da sabahkı matçdan sonra görəcəyik. Bura uduzmağa gəlməmişəm.
- Azərbaycandakı futbolçu potensialından narazı qaldığınız hiss olunur. Neçə il burda yaşamalısınız ki, futbolçularımız istədiyiniz səviyyəyə yüksəlsin?
- Məsələ o deyil ki, De Byazi nə qədər qalacaq. Çempionatın bütün oyunlarını izləyirəm. Bir neçə gənci cəlb etmişik. Amma əsas işi oyunçular görür. Məşqçi istiqamət verir. Məsələn, İsveçə 0:5 uduzsaq da, topa nəzarət 62 faiz bizdə olub.
- Maksim Medvedev milliyə dəvət alacağı təqdirdə gələcəyini demişdi. Doğrudanmı Höccət Haqverdidən daha çox azərbaycanlı olan Maksim Medvedev hazırda bu yükün altına girməyə hazır deyil?
- Bədavi də, Bəhlul da çox vacib oyunçulardı. Bu, bəhanə deyil, sabahdan bunu qabartmayacam. Kimisə çağırmıramsa, deməli, səbəblər var. Çağırılmaq üçün özünü sübut etməlisən.
- Ev oyunlarında hansısa stadionda oynamağın fərqi var? Respublika stadionunda oynamaq bizə üstünlük verər?
- Şəxsən mənim üçün heç bir fərqi yoxdu. Bilirəm ki, "Qarabağ"ın həmin stadionda yaxşı qələbələri olub. Əlbəttə, publika əlavə güc gətirir, amma ilk növbədə öz içimizdə məsuliyyəti artırmalıyıq.
Oxşar xəbərlər
Ana səhifə
Bütün xəbərlər
Hesabım