“Səbail”in ukraynalı müdafiəçisi, müqavilə ilə “Şaxtyor”a məxsus olan Maksim Çexin apasport.az saytına müsahibəsi
- “Səbail” XX turda “Kəpəz”ə qalib gəlməyi bacardı. Matç sizin üçün necə keçdi?
- Yaxşı, bərabər səviyyəli oyun alındı. Heç bir komanda digərinə güzəştə getmirdi. Hər iki komandanın qələbə üçün oynadığı görünürdü. Amma biz şansımızdan istifadə etdik. Ona görə də, nəticəni layiqli hesab edirəm.
- “Kəpəz”i məğlub etməklə turnir cədvəlinin son pilləsindən də qurtulduz. Bu səbəbdən qələbənin ikiqat xoş olduğunu demək mümkündür?
- Bu oyun altı xallıq idi. Biz hamımız bunu yaxşı başa düşürdük. Sonuncu pillədən qurtulmaq niyyətindəydik. Qarşıda hələ çox işimiz var, dayanmamalıyıq, işləməliyik.
- Amma yəqin ki, sonuncu pillənin təhlükəsini hələ də hiss edirsiz...
- Çempionatda komandalar arasında rəqabət yüksəkdir. Bütün klublar bir-birinin nəfəsini hiss edir. Biz özümüz də bunu görürük. Ona görə də, dayanmadan işləyirik ki, sonuncu pilləyə düşməyək.
- Qışda komandadan gedəcəyin gözlənilirdi, lakin “Səbail”də qaldın. Qərarını dəyişməyə nə səbəb oldu?
- Əvvəlki məşqçilər korpusu mənə güvənmirdi. Doğrudur, qışda komandadan ayrılmağa yaxın idim. Yəni, “Səbail”lə yollarımız ayrılacaqdı. Ancaq baş məşqçimiz dəyişdi və mən də komandada qaldım.
- Növbəti turda “Sabah”la qarşılaşacaqsız. Onları kubokdan uzaqlaşdırdığınıza üçün sizə qarşı aqressiv olacaqlarını düşünmürsən?
- Oyunun hazırlıqlarına artıq başlamışıq. “Sabah” yaxşı komandadır. Maraqlı görüş olacağı dəqiqdir. Həmin oyunda əlimizdən gələni edəcəyik.
- Hazırda Azərbaycanda çıxış edən ukraynalı futbolçular arasında daha çox Aleksey Kaşuk göz önündədir. O da sizin kimi "Şaxtyor"a məxsusdur. Kaşuk barədə hansı fikirdəsən? Onunla danışırsan, görüşürsən?
- Kaşuk özünü “Sabah”da çox yaxşı tərəfdən göstərdi. Aleksey yaxşı səviyyədə futbol oynayır. Onun adına çox sevinirəm. Əlbəttə, Kaşukla ünsiyyətimiz var. Bir-birimizi 12 yaşından tanıyırıq. İndi də görüşürük.
- Bu yaxınlarda Ukraynadan Azərbaycana daha bir futbolçu gəldi - Vladislav Kulaç. O, Azərbaycan Premyer Liqasında özünü sübut edə bilər?
- Kulaçı da yaxşı tanıyıram. Təbii ki, biz yaxşı futbolçudan danışırıq. Məncə, o, “Zirə” üçün yaxşı forma yığmalıdır. Fikrimcə, özünü ən yaxşı şəkildə göstərəcək və komandasına xeyir verəcək.
Oxşar xəbərlər
Ana səhifə
Bütün xəbərlər
Hesabım