“Sabah” sabiq futbolçusunu geri qaytarmağı bacarıb.

Apasport.az saytına verilən məlumata görə, Masazır klubu “Əl-Faysali”də oynayan Coy-Lens Mikelslə anlaşıb.

Almaniyalı futbolçu “Sabah”a qayıtmaq üçün ərəblərlə danışıq aparıb və sonda istəyinə çatıb.

Mikels “Sabah”dan ayrıldıqdan sonra “Əl-Faysali” ilə iki illik müqavilə imzalamışdı. İndiki halda daha bir illik müqaviləsi qüvvədə idi. 

Səudi Ərəbistan klubu futbolçunun bu xahişini geri çevirməyib.

Mikels Səudiyyə Ərəbistanının 1-ci divizionunun başa çatan mövsümündə “Əl-Faysali” formasıyla çıxdığı 30 matçda 6 qol və 5 asistlə yadda qalıb.

Xatırladaq ki, 30 yaşlı futbolçu 2021-2023-cü illərdə “Sabah”da oynamışdı.

• 2.63 əmsallıq KUPON
• “Arsenal” “Santos”un hücumçusuna elçi düşdü
• Ağabala Ramazanovun durumuna aydınlıq gəldi
• Maksimin KUPONU
• Avropa kuponu