Diakabi: "Əvvəl gəlib, "Qarabağ"ın bazası ilə tanış olmuşdum"
13.01.2023 - 20:18
Diakabi: "Əvvəl gəlib, "Qarabağ"ın bazası ilə tanış olmuşdum"

"Burada olmaqdan çox xoşbəxtəm. İlk oyunumu oynadım. Bundan əvvəl də komanda haqqında məlumatım vardı. Abdellah Zübeyri tanıyırdım. O da komanda haqqında mənə müsbət şeylər demişdi".

Apasport.az xəbər verir ki, bunu "Qarabağ"ın yeni transferi Adama Diakabi deyib.

O, PFL-in "Youtube" kanalına müsahibəsində əvvəl Azərbaycanda olduğunu bildirib: "1 il əvvəl mən Bakıya gəlmişdim, komandanın bazası ilə tanış olmuşdum. Konfrans Liqasında "Qarabağ"ın "Marsel"lə, Avropa Liqasında "Olimpiakos" və "Nant"la oyunlarına baxmışdım".

26 yaşlı sol cinah hücumçusu 6 aydır futbol oynamaması barədə danışıb: "Özümü yaxşı hiss edirəm. Tibbi və məşqçi heyəti hazır olmağım üçün hər şeyi edir. Günbəgün yaxşı olmağa çalışağacam. Çempionat və Konfrans Liqası oyunlarına hazırlaşırıq. Uzun müddət futbol oynamamışam. Mümkün qədər tez bir zamanda əvvəlki formamı bərpa etməyə çalışacağam".

writer photo
Əlirza Əlirzalı
0