"Qarabağ"ı çempionluq münasibəti ilə təbrik edir, digər klublarımıza isə avrokubok oyunlarında uğur qazanmaqlarını arzulayıram. Mövsümün son oyunu azarkeşlər üçün maraqlı alındı. Biz də qalib gələ bilərdik, "Qarabağ" da uda bilərdi, amma yekunda heç-heçə qeydə alındı. Futbolçularımı təbrik edirəm".
Apasport.az xəbər verir ki, bu sözləri "Araz-Naxçıvan"ın baş məşqçisi Elmar Baxşıyev Misli Premyer Liqasının sonuncu turunda "Qarabağ"la 2:2 hesablı heç-heçə etdikləri oyundan sonra deyib.
O, yaxın günlərdə klub rəhbərliyi ilə görüşünün olacağını bildirib: "Yeni mövsümlə bağlı planlar müzakirə olunacaq. Müqavilənin müddəti 2 ay nəzərdə tutulmuşdu. Bu müddət komandanı tanımaq baxımından əhəmiyyətli idi. Halbuki rəhbərlik anlaşmanın müddətini 1 il etmək istəyirdi. Görüş zamanı müəyyən suallara aydınlıq gətiriləcək. Daha iddialı komanda qurmaq istəyirik. Arxada qalan mövsüm də göstərdi ki, ehtiyat oyunçular skamyamız bütöv deyildi. Ona görə də heyəti tam komplektləşdirmək vacibdir. Ümumiyyətlə "Araz-Naxçıvan" layihəsi mənim üçün də maraqlıdır".
Oxşar xəbərlər
Ana səhifə
Bütün xəbərlər
Hesabım