FİFA reytinqi: Millimiz 1 pillə irəlilədi

04.04.2024 - 13:16

FİFA milli komandaların aprel ayı üçün yenilənmiş reytinq cədvəlini açıqlayıb.

Apasport.az xəbər verir ki, Azərbaycan milli komandası əvvəlki kimi 1177,83 xala malikdir.

Amma yığma bir pillə irəliləyərək 112-ci yerdə qərarlaşıb. Fevral yeniləməsindən sonra milli FİFA mini-turnirlər seriyası çərçivəsində Monqolustan (1:0) və Bolqarıstanla (1:1) qarşılaşmışdı.

Azərbaycanın ən yaxın təqibçisi Toqo (1170,34), bir pillə aşağıda isə Konqo (1179,8) yığmasıdır.

Millinin Millətlər Liqasının C1 qrupunda yer alan rəqibləri belə sıralanıb: İsveç – 27-ci (1531,68), Slovakiya – 48-ci (1461,55), Estoniya – 123-cü (1141,13).

FİFA reytinqinə Argentina (1858) millisi rəhbərlik edib. Fransa (1840,59) ikinci, Belçika (1795,23) isə üçüncü pillədədir.