“Neftçi” hücumameylli yarımmüdafiəçi Kilan Lebonu transfer edib. 

Apasport.az saytı xəbər verir ki, bu barədə məlumatı klubun mətbuat xidməti açıqlayıb. 

Bildirilib ki, fransız futbolçu ilə 1,5+1 il müddətinə müqavilə bağlanıb. 25 yaşlı yarımmüdafiəçi komandanın heyətində 22 nömrəli formanı geyinəcək.

Kilan Lebon Fransanın “Amyen-2” (2014-2016), “Paris-2” (2016-2018), “Şambli” (2017-2018), “Paris” (2018-2020), “Ayaçço” (2019-2020), “Kretey” (2020), Hollandiyanın “Utrext-2” (2019), Bolqarıstanın “Beroe” (2020-2022) və Qazaxıstanın “Astana” (2022) klublarında çıxış edib.

Qeyd edək ki, “Neftçi” bundan əvvəl müdafiəçi – milli komandamızın üzvü Höccət Haqverdini transfer edib.

• Portuqaliyalı iki nəhəngin gündəmində
• Ruslan Lunyov bürünc medal qazanıb
• NBA kuponu
• Güləş üzrə Azərbaycan çempionatı başa çatdı - FOTO
• Avarçəkənimiz dünya çempionatında iştirak edəcək