“Polşada kimsə sürpriz edə bilər. Artıq yarışın keçiriləcəyi məkana yollanırıq”.

Apasport.az saytının məlumatına görə, bunu Azərbaycan karateçisi İrina Zaretska deyib.

O, idmançılarının Polşada keçiriləcək III Avropa Oyunlarına yolasalma mərasimində jurnalistlərə açıqlama verib. 68 kq çəki dərəcəsində çıxış edən Avropa və dünya çempionu yenə qalib olmaq arzusundadır: “Hər şeyin yaxşı olacağına ümid edirəm. Premyer Liqanın geridə qalan mərhələlərində bir qızıl, bir bürünc medal qazanmışam. Bilirəm ki, Avropa Oyunlarında yüksək reytinqli rəqiblərlə qarşılaşacağıq. Mən bütün gücümlə yarışa hazıram. Polşadan ən yaxşı nəticə ilə dönməyə çalışacağam”.

Qeyd edək ki, III Avropa Oyunları sabah başlayacaq.
 

• Şahruddinli "Adana Demirspor"dan növbəti xal itkisi
• Günə riskli KUPON
• Rəşad Sadıqov: "Yaşlandıqca mətbuatdan uzaq qalmağa çalışıram"
• “Mançester Siti” ilə UDUŞ
• Lider büdrədi, “Herta” Bundesliqa ilə vidalaşdı