“Boluspor”un futbolçusu Vüsal İsgəndərli bir neçə klubun maraq dairəsinə düşüb.

Apasport.az saytına verilən məlumata görə, o, karyerasını fərqli komandada davam etdirə bilər.

Belə ki, hücumçuya Albaniya Super Liqasında yarışan komandalardan və Azərbaycan Premyer Liqasından təkliflər var.

Ölkəmizdə “Şamaxı” və “Sumqayıt” onun xidmətində maraqlıdır. Vüsalı heyətinə qatmaq istəyən klublardan biri də onun sabiq komandası “Eqnatiya”dır. 

İsgəndərli yaxın günlərdə gələcək karyerası ilə bağlı qərar verəcək. 29 yaşlı futbolçunun "Boluspor"la müqaviləsi 2026-cı il iyunun 30-na qədərdir.

Vüsal 2024-cü il yanvarın 11-də "Boluspor"a keçib. Millimizin üzvü "Rəvan", "Simurq", "Zirə", "Ankara Keçiörengücü", "Keşlə", "Sumqayıt", "Eqnatiya" klublarında oynayıb.

• Millimiz böyük hesabla uduzdu
• AVF rəsmisinə təyinat
• "Çelsi" London derbisində uduzdu
• Bakıda keçirilən Dünya Kubokunda qaliblər mükafatlandırılıb
• “Azərreyl”in kapitanı: “Azarkeşlər bizi çox qürurlandırdı”