Krakov-2023 III Avropa Oyunlarının badminton yarışlarında pley-off mərhələsi start götürüb.

Apasport.az saytının məlumatına görə, kişilərin fərdi yarışlarında çıxış edən Azərbaycan təmsilçisi Edi Reski Dviçayo 1/8 final matçına çıxıb.

Badmintonçumuz finlandiyalı Kalle Koljonenlə qarşılaşıb. Edi gərgin keçən ilk setdə 18:21 hesabı ilə uduzub. O, ikinci setdən də məğlub ayrılıb – 14:21. Yekunda 0:2 hesablı yenilgi alan təmsilçimiz yarışla vidalaşıb. Bu uğursuzluğa baxmayaraq, Edi 2024-cü ildə Parisdə keçiriləcək yay olimpiya oyunlarına 2750 reytinq xalı qazanıb.

Qeyd edək ki, bu gün qadınların fərdi yarışlarında da 1/8 final oyunları baş tutacaq. Badmintonçumuz Keyşa Fatimə Zəhra 1/4 finala yüksəlmək üçün mübarizə aparacaq.

• Taekvondo Federasiyasında milli ilə görüş
• Qurban Qurbanov: "15 ildir adımız hallanır, gedişat dəyişmir"
• “Apasport”dan 18,23 əmsallıq UDUŞ
• Millimiz Bolqarıstanla qarşılaşacaq
• “Nottingem Forest” “Çelsi” ilə razılaşmanı pozdu