Bu gün Krakov-2023 III Avropa Oyunlarında qılıncoynatma yarışlarına start verilib.

Apasport.az saytının məlumatına görə, Azərbaycan yığmasının kişi sablyaçıları da medallar uğrunda mübarizə aparıb.

Dörd idmançımızdan ikisi - Murad Əkbərov  və Saleh Məmmədov qrup mərhələsini adlayaraq 1/32 finala yüksəlib. Maqsud Hüseynli və Ayxan Xasıyev isə medal arzusu ilə erkən vidalaşıb.

1/32 final səddi sablyaçılarımız üçün keçilməz olub. Murad ispaniyalı İnaki Bravoya 9:15, Saleh isə polşalı Pyotr Şepanikə 5:15 hesabı ilə uduzub.

Qeyd edək ki, bu gün baş tutan qadın rapiraçıların yarışında Azərbaycan təmsil olunmayıb.

• Kovaçiç “Mançester Siti”yə gedir
• Modriçə Ərəbistandan təklif
• “Barselona” Torresi satır
• “Neftçi”nin “Zirə” və "Qarabağ"la oyunlarının vaxtı açıqlandı
• Zaur Həşimov: “İndidən deyə bilərik ki, "Qarabağ" "Linkoln" səddini keçəcək" - MÜSAHİBƏ