Çimərlik voleybolu üzrə 18 yaşadək qızlar arasında Avropa çempionatında iştirak edəcək Azərbaycan yığması yarışa hazırlığı Misirdə davam etdirəcək.

Azərbaycan Voleybol Federasiyasından apasport.az-a verilən məlumata görə, komanda bu məqsədlə bu gün Şarm əl-Şeyx şəhərinə yola düşüb.

Milli burada rusiyalı mütəxəssis İqor Olefirin rəhbərliyi ilə 14 gün təlim-məşq toplanışı keçəcək. U-18 bir neçə yoxlama matçında da qüvvəsini sınayacaq.

Təlim-məşq toplanışına 6 qız voleybolçu cəlb olunub. Baş məşqçi İqor Olefirə məşqlərdə Nihad Tarverdiyev kömək edəcək.

Qeyd edək ki, AVRO-2024 bu il iyulun 11-dən 14-dək Gürcüstanın Kaçreti şəhərində baş tutacaq.

• Blatter və Platininin şərti həbsi tələb olundu
• Bunu “Real”a keçə bilərmiş... – özü açıqladı
• Super KUPON
• "Mançester Yunayted"in yeni sahibi "Barselona"nın futbolçusunu almaq istəyir
• “Zenit”in futbolçusu: “Azərbaycanın heyətində yaxşı legionerlər var”