“Bu qələbə bizim üçün vacib idi".

Apasport.az saytının məlumatına görə, bunu “Sabah”ın baş məşqçisi Murad Musayev Misli Premyer Liqasının II turunda “Zirə” üzərində səfərdə 3:1 hesabı ilə qalib gəldikləri oyundan sonra deyib.

Rusiyalı mütəxəssis “CBC Sport” telekanalına açıqlamasında çempionatda ardıcıl ikinci qalibiyyəti dəyərləndirib: “Zirə" çox ciddi rəqib, döyüşkən komandadır. Onlara qarşı oyunlarımız həmişə gərgin alınıb. Oyunun çətin anlarında komanda kimi çıxış elədik və bu bizə qələbə gətirdi. Bu gün uşaqları yalnız tərifləyə bilərəm. Amma geniş şəkildə nəticə çıxarmaq üçün 36 oyunu gözləmək lazımdır".

Musayev matçda zədələnən hücumçu Namik Ələskərovun durumuna da şərh gətirib: "Namikin bağlarında problem oldu. Zədənin ciddiliyinin nə qədər olduğunu sabah MRT-dən sonra dəqiq deyə biləcəyik".

• Azərbaycan liqalarında "transfer pəncərəsi"nin müddəti uzadılıb
• "İdmançılarımızın adı iştirak və reytinq siyahısından çıxarılmayıb" - Açıqlama
• Avropa federasiyaları UEFA-ya qarşı
• Duqlas Kosta “Los Anceles Qalaksi”dən ayrılır
• Şakil O Nil: Basketbol Əfsanəsi və Mədəniyyət İkonu