"Çox parlaq oyun gördük. Sona qədər qalibin kim olacağı müəyyən deyildi”.
Apasport.az xəbər verir ki, bunu “Sabah”ın baş məşqçisi Murad Musayev deyib.
Rusiyalı mütəxəssis Azərbaycan kubokunun 1/8 final mərhələsinin “Kəpəz”lə oyunundan (4:3) sonra mətbuat konfransında iştirak edib: “Əlbəttə ki, belə matçlar azarkeşlərin çox xoşuna gəlir. Amma məşqçilərin xoşuna gəmir. Vacib olan qələbə idi. Çox şadam ki, qalib gəldik".
- Futbolçular arasında mübahisə baş verdi. Həmin zaman sizə də sarı vərəqə göstərildi. Futbolçunuza qarşı haqsızlıq olduğunu düşünürsüz?
- Sofian Çaklaya niyə sarı vərəqə göstərildiyini anlamadım. O, epizoddan çox uzaq idi.
- Coy-Lens Mikelsin Səudiyyə Ərəbistanında xoşbəxt olmadığı deyilir. Qayıtmaq istəsə, "Sabah"ın qapıları onun üzünə açıqdır?
- Bilmirəm. Hazırda yalnız "Qəbəılə" ilə matç haqda düşünürəm.
- Aleksey İsayevlə "Qarabağ"ın maraqlandığı deyilir. Siz onun gedişinə hazırsız?
- Bunlar şayiələrdir. Şayiələrə şərh vermək istəmirəm. Kluba heç bir təklif gəlməyib. Təklif olsa, müzakirə edə bilərik. Mən məşqçi olaraq onun getməyini istəmərəm.
- Emmanuel Apeh artıq formaya düşüb?
- Bir oyunla nəsə demək olmaz. Bütün mövsümə görə baxmaq lazımdır. Bugünkü oyunundan məmnunam.
Oxşar xəbərlər
Ana səhifə
Bütün xəbərlər
Hesabım