Ötən ayın əvvəlləri Rusiyanın “Ximki” klubunun U-19 komandasına baş məşqçi təyin olunan Nazim Süleymanov məşqçi korpusunu genişləndirmək qərarına gəlib.

Apasport.az saytının əldə etdiyi məlumata görə, 57 yaşlı mütəxəssis daha bir azərbaycanlını yanına aparmaq niyyətindədir.

Emin Ağayevdən sonra bu dəfə Azərbaycan millisinin digər sabiq futbolçusu Rasim Abuşov da “Ximki”də çalışa bilər. Uzun müddət Rusiyada çıxış etmiş, həmçinin məşqçi kimi də Stavropol “Dinamo”sunda fəaliyyət göstərmiş 59 yaşlı Abuşovun “Ximki”nin U-19 komandasına köməkçi-məşqçi təyin olunması gözlənilir.

Qeyd edək ki, “Ximki”nin U-19 komandası Rusiya gənclər liqasında 14 turdan sonra yer aldığı B qrupunun 8 xalla sonuncusudur.

• Millimiz Belarusa uduzdu
• Azərbaycanın iki boksçusu Avropa kubokunda yarımfinala yüksəldi
• “Liverpul”dan gözlənilməz məğlubiyyət
• Fransa Mərakeşə qalib gəlib, ardıcıl 2-ci dəfə finala çıxdı - YENİLƏNİB
• Azərbaycanlı futbolçu Rusiya çempionu olub