Ötən mövsümü “Bandırmaspor”da keçirmiş Mert Çelik böyük ehtimalla yeni sezona Azərbaycanda başlayacaq.

Apasport.az saytına verilən məlumata görə, Azərbaycanın əsas millisinə də cəlb edilmiş müdafiəçi “Başakşehir”ə qayıdıb. Lakin o, İstanbul klubunda qalmayacaq. Çelikin xidmətində maraqlı olan klublarımız var. Onlardan biri “Zirə”, digəri isə “Səbail”dir. Futbolçunun daha çox “Səbail”ə keçidə yaxın olduğu iddia edilir.

“Qalatasaray”ın yetirməsi olan U-21 yığmamızın sabiq üzvü “Kırşehir Belediyyespor”, “Neftçi” komandalarında da oynayıb. Onun klublarımızdan birinə keçəcəyi təqdirdə, toplanışa məhz Türkiyədə qoşulacağı gözlənilir.
 

• İspaniya – Portuqaliya oyunu haqda: “Futbolçuların hamısı tükənib”
• "Mançester Yunayted" "Atalanta"nın futbolçusu uğrunda mübarizəyə qoşulub
• Qurban Qurbanov: “Hamı qeyri-peşəkar deyir”
• Stolüstü tennisçilərimizdən 2 medal
• Boksçularımızın dünya çempionatındakı ilk rəqibləri bəlli oldu