“Neftçi”nin müqaviləsini uzatmayaraq yollarını ayırdığı baş məşqçisi Samir Abasovun rəhbərliyi altında 61 matça çıxıb.

Apasport.az saytının məlumatına görə, 2020/21 mövsümünün gedişində Bakı klubunun sükanı arxasına keçərək “ağ-qaralar”a 8 ildən sonra çempionluq qazandıran mütəxəssis Premyer Liqa və Azərbaycan kubokunda iki fərqli mövsümdə komandaya rəhbərlik edib.

O, avrokuboklarda özü üçün debüt mövsümündə hər üç turniri – Çempionlar Liqası, Avropa Liqası və Konfrans Liqasını görüb.

Abasovlu “Neftçi” 61 oyunda 32 qələbə qazanıb. Bu, 52,5 faizlik göstəricidir. Onun yetirmələri 14 dəfə heç-heçə edib (22,9 faiz) və 15 dəfə (24,6) uduzub.

Bakılılar artıq sabiq sayılan baş məşqçisinin rəhbərliyi altında 61 görüşdə mümkün olan 183 xaldan 110-nu toplayıb. Bu da 60 faizlik göstəricidir.

Bu, onu postunda saxlamamağa qərar verən Müşahidə Şurası üçün yetərli nəticə olmayıb. Məhz bu üzdən onun yerinə ölkə xaricində mütəxəssis axtarışı davam edir.

• İkardi məşqləri BURAXDI
• Qolovko: “Qarabağ” uduzmayacaq, hətta qol buraxsa da”
• İsveç kuponu
• ABF beynəlxalq basketbol təşkilatına üzv olub
• “Ferensvaroş”un futbolçusu: “Qarabağ”ın hücumçuları dəhşətli gücə malikdir”