Paris XXXIII Yay Olimpiya Oyunlarında uğurla çıxış edən Azərbaycan yığması vətənə dönüb.

Apasport.az-ın məlumatına görə, nümayəndə heyətimizi gətirən təyyarə gecə saatlarında Heydər Əliyev adına Beynəlxalq Hava Limanına enib.

Hava limanında idmançıları media mənsubları, azarkeşlər və idmançıların yaxınları qarşılayıblar.

Qeyd edək ki, "Paris-2024" Yay Olimpiya Oyunlarında 15 idman növü üzrə 48 idmançı ilə təmsil olunan Azərbaycan 7 medal qazanıb. Ölkəmiz medal sıralamasında Xorvatiya ilə birlikdə 30-31-ci yerləri bölüşüb.

Azərbaycan komandasının heyətində cüdoçular Hidayət Heydərov (73 kiloqram) və Zelim Kotsoyev (100 kiloqram) Olimpiya çempionu olublar.

Taekvondoçu Qaşım Maqomedov (58 kiloqram) və boksçu Alfonso Dominqes (92 kiloqram) gümüş, yunan-Roma güləşçisi Həsrət Cəfərov (67 kiloqram), sərbəst güləşçilər Maqomedxan Maqomedov (97 kiloqram) və Giorgi Meşvildişvili (125 kiloqram) isə bürünc medala sahib çıxıblar.

• “Trabzonspor” yarımfinalın ilk matçında qalib gəlir
• Balottelli “Adana Dəmirspor”a dönür
• Avropa çempionatında iştirak edəcək güləşçilərimiz bəlli oldu
• Fərid Qayıbov UNESCO-nun komitə sədri seçildi
• Bellingemin bir ayağı “Real”da