Peşəkar Futbol Liqasının prezidenti Elxan Səmədov Naxçıvan şəhərinə işgüzar səfər edib. 

Apasport.az PFL-in saytına istinadən xəbər verir ki, qurum başçısı I Divizionun 2022/23 mövsümünün ilk turunun “Araz Naxçıvan” – “Qarabağ-2” (5:1) oyununu canlı izləyib.

Səmədov səfər çərçivəsində Naxçıvan təmsilçisinin idarə heyətinin sədr müavini Sakit Rzayev, idarə heyətinin üzvləri Ağazakir Abbasov, Pərviz Abbasov, Tural Hüseynalıyev, Tahir Əliyev, eləcə də Naxçıvan Muxtar Respublikasının gənclər və idman naziri Ramil Hacı, onun müavini Mirməcid Seyidov, həmçinin “Cahan” holdinqin aparat rəhbəri Azər Cəfərov ilə görüşüb.

Görüşlər zamanı “Araz Naxçıvan” komandasının tarixi, hazırkı durumu və gələcək planları ilə bağlı müzakirələr aparılıb. Bildirilib ki, Naxçıvan Muxtar Respublika stadionunda əsaslı yenidənqurma və təmir işləri aparılıb, bu işlər hazırda da davam edir və yaxın günlərdə stadionda yeni, müasir standartlara cavab verən süni işıqlandırma sistemi quraşdırılacaq. Səmədov qonaqpərvərliyə görə “Araz Naxçıvan” klubunun rəsmilərinə təşəkkür edib və bu komandanın Azərbaycan futbolunun vacib bir hissəsinə çevriləcəyinə ümidvar olduğunu söyləyib.
 

• Təmkin Xəlilzadə: “İnanıram ki, alnıaçıq şəkildə qayıdarıq”
• Canni de Byazi: “Heyəti artıq müəyyənləşdirmişəm”
• Avropa idman bayramına START
• "Roma" Türkiyə millisinin üzvünü istəyir
• Bəhlul Mustafazadə "Qarabağ"ın hazırlıq prosesini dəyərləndirib