“Çerçesov “Legiya”nı Polşa çempionu edən məşqçidir. Onun “Ferensvaroş”la Çempionlar Liqasındakı uğuru təəccüblü deyil”.

Apasport.az saytının məlumatına görə, bunu Moskva MOİK-inin keçmiş futbolçusu Vladimir Ponomaryov Rusiya mətbuatına açıqlamasında deyib.

O, həmyerlisi Stanislav Çerçesovun çalışdırdığı “Ferensvaroş”un Çempionlar Liqasının III təsnifat mərhələsində “Qarabağ” önündə şanslarını dəyərləndirib. Ponomaryovun fikrincə, Macarıstan çempionu bu raundu keçəcək: “Ferensvaroş”da hər şey qaydasında görünür. Çerçesovun komandası “Qarabağ”la cütün də qalibi olacaq. Onların mərhələ keçəcəyinə yüz faiz əminəm. Çünki onun komandası Macarıstan çempionatının lideridir və orada güclü liqa var”.

Qeyd edək ki, “Qarabağ”la “Ferensvaroş” arasında ilk oyun avqustun 3-də Bakıda, cavab görüşü isə 9-da Budapeştdə keçiriləcək.
 

• Sərbəst güləşçilərimizin Avropa çempionatında rəqibləri müəyyənləşdi
• Peşəkar Çövkən Liqasında 10 komanda mübarizə aparacaq
• Əliyar Ağayev A Liqasının oyununda
• Murad Musayev: "İlk turdakı oyunumuzu göstərdik"
• "Tottenhem"i pula görə ərəblərə dəyişir