Avropa Liqasının qrup mərhələsinin arxada qalan iki turunda ən çox hücum quran komandalar bəlli olub.

Apasport.az xəbər verir ki, bunu UEFA-nın mətbuat xidməti açıqlayıb.

Siyahıya Azərbaycan çempionu “Qarabağ” başçılıq edir. Qurban Qurbanovun yetirmələri iki matçda 118 hücum təşkil edib.

“Molde” və “Hakken”lə oyunlarda hücum futbolu nümayiş etdirən təmsilçimiz hər qarşılaşmada bir qol vursa da, daim rəqib qapısına doğru irəliləyib. Bunun nəticəsində “Qarabağ” turnirin digər 31 komandasını qabaqlaya bilib.

“Liverpul” cədvəldə ikincidir. İngiltərə klubu 112 hücum qurub. “Vest Hem”in 110, “Bayer”in 97, Berlin “Union”unun 96 belə cəhdi var.

Qeyd edək ki, sonuncu pillədə qərarlaşan “Şerif” cəmi 29 hücum təşkil edib.

• A seriyası klubunda yeni anlaşma
• "Bavariya"nın müdafiəçi planı
• SuperKUPON
• Azərbaycan çempionatında 19 yaşlı lider
• “Real”da yeni müqavilə təklifi