“Qarabağ” təlim-məşq toplanışının Bakı mərhələsini başa vurub.

Apasport.az saytının məlumatına görə, iyunun 9-dan bir araya gələn Azərbaycan çempionu hazırlığın ikinci mərhələsi üçün Avstriyaya yollanıb.

Baş məşqçi Qurban Qurbanov komandanı Çempionlar Liqası üçün məhz orada hazırlaşdıracaq. Ağdam təmsilçisinin Avstriyada 3 yoxlama görüşü keçirməsi nəzərdə tutulub. Rəqiblərin adı hələlik bəlli deyil.

Qeyd edək ki, “Qarabağ” Çempionlar Liqasının I təsnifat mərhələsində Polşa təmsilçisi “Lex”lə qarşılaşacaq. İlk görüş iyulun 5-də Poznanda, cavab matçı isə 12-də Bakıda keçiriləcək.

• “Zirə”nin müdafiəçisi: “Qarabağ”a qarşı oynamaq o qədər də çətin deyil” - Müsahibə
• Misir KUPONU
• Yaponiya KUPONU
• "Qalatasaray" "Brayton"un yarımmüdafiəçisi ilə maraqlanır
• “Neftçi”nin baş icraçı direktoru Bəxtiyar Musayevi təbrik etdi