“Qarabağ”ın Çempionlar Liqasının II təsnifat mərhələsində “Sürix”lə keçirəcəyi ilk oyunun biletləri sabahdan satışa çıxarılacaq.

Apasport.az-ın klubun rəsmi saytına istinadən məlumatına görə, İsveçrə çempionu ilə matçın biletlərini sabah saat 11:00-dan etibarən əldə etmək mümkün olacaq.

Biletlərin qiyməti müvafiq olaraq 5, 10, 20 və 50 manat təşkil edir.

Satış məntəqələri bunlardır:
Iticket.az-ın satış məntəqələrində (11:00-dan 20:00-dək) və iticket.az-da onlayn satış;
Park Bulvardakı “Qarabağ” FK-nın Fan-Şopunda (11:00-dan 20:00-dək);
Tofiq Bəhramov adına Respublika Stadionunun kassalarında (11:00-dan 20:00-dək).

Qeyd edək ki, iyulun 19-da Tofiq Bəhramov adına Respublika Stadionunda keçiriləcək qarşılaşma saat 20:00-da başlayacaq.
 

• “Sabah” Türkiyədə 4-cü olub
• Pato klubundan ayrıldı
• Elneni Səudiyyə Ərəbistanına səfər edə bilər
• De Byazi ikinciliyə şərik çıxdı - STATİSTİKA
• Azərbaycan Premyer Liqasının püşkatma mərasimi keçiriləcək