“Qarabağ”da çox, “Şamaxı”da yox - “Qəbələ”dən 100 faizlik nəticə

11.12.2022 - 13:04

Misli Premyer Liqasının 16 turu arxada qalıb.

Apasport.az saytının məlumatına görə, keçirilən 80 oyunda 30 penalti təyin olunub.

11 metrlik nöqtədən vurulan zərbələrin 25-i qolla nəticələnib. 5 imkandan isə istifadə olunmayıb. Dəqiqlik faizi 83,3 faizə bərabərdir.

10 komandadan 9-u penalti vurub. Yalnız “Şamaxı” belə imkan qazanmayıb. “Qarabağ” hamıdan çox – 7 dəfə 11 metrlik cərimə zərbəsi vurub. 100 faizlik nəticə göstərən ən yaxşı komanda “Qəbələ”dir. Bu komanda 5 zərbədən dəqiq olub.

Ən qeyri-dəqiq isə “Sabah”dır. Bakılılar beş imkandan ikisini qaçırıb. Maraqlıdır ki, bu komandada hər zərbəni ayrı futbolçu vurub.

№	komanda	penalti	qol
1	Qarabağ	7	6
2	Qəbələ	5	5
3	Sabah	5	3
4	Neftçi	4	4
5	Turan Tovuz	3	3
6	Zirə	3	2
7-8	Səbail	1	1
	Sumqayıt	1	1
9	Kəpəz	1	0
10	Şamaxı	0	0

Cəzalanan komandaların da sayı 9-dur. Yalnız “Qarabağ”ın qapısına penalti təyin olunmayıb.

Ən çox cəzalanan isə “Səbail”dir. Amma bakılılar 6 zərbədən beşində qol buraxıb.

№	komanda	penalti	qol
1	Səbail	6	5
2	Sumqayıt	5	4
3	Sabah	4	4
4-5	Neftçi	4	3
	Turan Tovuz	4	3
6	Kəpəz	3	2
7	Şamaxı	2	2
8-9	Qəbələ	1	1
	Zirə	1	1
10	Qarabağ	0	0

Ən çox penalti vuran futbolçulara gəlincə, çempionatın bombardiri Ramil Şeydayev hamıdan çox 11 metrlik zərbə vurub. “Qarabağ”ın hücumçusu 6 imkandan dəqiq yararlanıb. İsnik Alimi (“Qəbələ”) 5, Emin Mahmudov (“Neftçi”) 4, Runi Eva (“Turan Tovuz”) 3 belə şans qazanıb. Onların hamısı yüzfaizlik nəticə göstərib.