Çempionlar Liqasında Azərbaycanı təmsil edən “Qarabağ” ardıcıl dörd oyunda qol vurub.

Apasport.az saytının məlumatına görə, Qurban Qurbanovun yetirmələri yalnız mövsümün ilk görüşündə bunu bacarmayıb.

Həmin vaxt ağdamlılar Polşada “Lex”ə uduzub – 0:1. Poznanlılarla cavab görüşü (5:1), İsveçrə “Sürix”i ilə hər iki oyun (3:2, 2:2) və Macarıstan “Ferensvaroş”u ilə ilk sınaqda (1:1) təmsilçimiz rəqib qapısına yol tapıb.

Bu, Azərbaycan klublarının Çempionlar Liqasındakı rekordunun təkrarıdır. “Qarabağ”dan başqa heç bir komandamız qitənin ən nüfuzlu klub turnirində bunu bacarmayıb. 

Ağdamlılar 2019-cu ildə də ardıcıl 4 oyunda qol vurub. Maraqlıdır ki, həmin vaxt da seriya I təsnifat mərhələsinin cavab görüşündə başlayıb.

Qurbanovun yetirmələri son dörd görüşdə həm də qol buraxıb. Yəni bu qarşılaşmaların hamısı Q/Q bitib. Bu da bir ilkdir. Azərbaycanın heç bir klubu Çempionlar Liqasında ardıcıl 4 dəfə Q/Q oynamayıb.
 

• “Milan”dan 30 milyonluq təklif
• Arif Əsədov: "Mahirin inkişafına bu amil təsir edir"
• Olimpiya oyunlarında ilk dünya rekordu qeydə alınıb
• Ançelotti: “Uğur üçün yaxşı məşqçi yox, yaxşı oyunçular lazımdır”
• "Qalatasaray" 1/4 finalda