“Qəbələ”nin 19 yaşadək futbolçulardan ibarət komandasının UEFA Gənclər Liqasındakı növbəti rəqibi müəyyənləşib. 

Apasport.az xəbər verir ki, “qırmızı-qaralar” Çempionlar yolunun 2-ci mərhələsində Yunanıstan təmsilçisi “Olimpiakos”la qarşılaşacaq.

Pireylilər 1-ci mərhələdə “Leççe”ni mübarizədən kənarlaşdırıb. Evdə 3:1 hesabı ilə qalib gələn “Olimpiakos” İtaliyada təşkil olunan cavab görüşündə də qələbə qazanıb – 3:1.

2-ci mərhələnin qarşılaşmaları noyabrın 8-də və 29-da təşkil olunacaq. “Qəbələ” “Olimpiakos”la ilk matçı evdə keçirəcək.

Qeyd edək ki, “qırmızı-qaralar” 1-ci mərhələdə Macarıstanın “Puşkaş Akademiya” klubu ilə görüşüb. Evdə 1:1 hesablı heç-heçə edən komandamız səfərdə qalib gəlib – 1:0. 

• "Araz-Naxçıvan"dan yeni transfer
• Adrian Mutu: “O artıq geridə qalıb, biz irəliyə baxmalıyıq”
• Avropa Liqası: "Şerif" - "Zirə" matçının hakimi açıqlanıb
• “Olimpiakos”da daha bir itki
• Azər Bağırov: "Heç kim yaxşı oyunçusunu bizə verməyəcək"