Azərbaycan çempionu “Qarabağ” üçüm Çempionlar Liqasının 2022/23 mövsümü başa çatıb.

Apasport.az saytının məlumatına görə, I təsnifat mərhələsindən mübarizəyə başlayan Qurban Qurbanovun yetirmələri üç tur adlasa da, pley-off səddini aşa bilməyib.

Ağdam klubu Çempionlar Liqası ilə 8 oyun keçirməklə vidalaşıb. Poznanda başlayan yol Plzendə başa çatıb.

50 yaşlı mütəxəssis bu görüşlərdə 21 futbolçuya şans verib. Onlardan səkkizi bütün matçlarda, yəni 8 görüşdə şans qazanıb.

Lakin yalnız Şahruddin Məhəmmədəliyev bütün qarşılaşmaları əvəzolunmadan keçirib. 750 dəqiqə meydanda olan milliləşən legioner komandasının bütün qollarını – 10-nu da buraxıb. Onun əvəzləyici Luka Quqeşaşvili meydana çıxmağa imkan tapmasa da, aktivinə sarı vərəqə yazmağı bacarıb.

Şahruddin kimi Azərbaycan millisinin üzvü olan daha iki oyunçu - Toral Bayramov və Ramil Şeydayev da 8 matçın iştirakçısıdır. Bu, legionerlər Abdullah Zubir, Marko Vesoviç, İbrahima Vadji, Marko Yankoviç və Ovusu Kvabenaya aiddir.

“Qarabağ”ın 15 qoluna 7 futbolçu imza atıb. Kadi Borqeslə İbrahima Vadji hərəyə 4 qolla Ağdam klubun bombardirləridir. Filip Ozobiçlə Ovusu Kvabena hərəyə 2 dəfə fərqlənib. Abbas Hüseynov, Kevin Medina və Abdullah Zubirin bir qolu var.
 

• Avarçəkənimiz Avropa çempionu oldu
• 3,06 əmsallıq KUPON
• “Mançester Yunayted”i “Sevilya”ya dəyişdi
• "Neftçi"nin növbəti sınağı
• Çempionşip KUPONU