Dünyanın ən yaxşı baş məşqçilərinin reytinqi açıqlanıb.
Apasport.az saytının məlumatına görə, siyahıda fəaliyyətini davam etdirən 500 ən yaxşı mütəxəssis yer alıb.
Son 4 ilin nəticələrinə əsasən tərtib olunan cədvəldə Azərbaycan Premyer Liqası iki mütəxəssislə təmsil olunub. “Neftçi”nin rumıniyalı baş məşqçisi Laurentsiu Regekampf və “Qarabağ”ın çalışdırıcısı Qurban Qurbanov “Top-500”də qərarlaşıb.
Cədvəldəki yeganə azərbaycanlı məşqçi Qurbanov 1595 xalla 205-cidir. 51 yaşlı mütəxəssis ötən cədvəllə müqayisədə 1 pillə irəliləyib.
“Neftçi”nin çalışdırıcısı 1627 xalla 174-cüdür. Legioner mütəxəssis də bir pillə yüksəlib.
Qeyd edək ki, ilk “üçlük” dəyişməz qalıb. Siyahıya Pep Qvardiola (2194) başçılıq edir. Yurgen Klopp (2112) və Joze Mourinyo (2063) liderin ən yaxın izləyiciləridir.
Oxşar xəbərlər
Ana səhifə
Bütün xəbərlər
Hesabım