Karate üzrə beşqat dünya çempionumuz Rafael Ağayevin mərhum anası Ümnisə Ağayevanın adına Afrikanın Niger adlı ölkəsində bulaq açılıb.

Bu barədə apasport.az-a açıqlamasında idmançının özü deyib.

38 yaşlı idmançı Türkiyənin Yaşayan Ürəklər Təhsil və Həmrəylik Dərnəyi (Yaşayan Kalpler Eğitim ve Yardımlaşma Derneği) tərəfindən açılan bulaqdan danışıb:  

"Belə bir şeyin olduğunu dostumuz, MMA idmançısı Tural Rəhimovdan öyrəndim. Onun vasitəsilə xeyriyyə niyyəti ilə müəyyən vəsait köçürdüm. Afrikanın Niger ölkəsində rəhmətlik anamın adına bulaq açıldı. Ordan hər içilən su damcısı onun ruhuna salavat sayılır".

Qeyd edək ki, Rafael Ağayev anası Ümnisə Ağayevanı 2021-ci ilin aprelində dünyasını dəyişib. O, xərçəng xəstəliyindən rəhmətə gedib.

Səbuhi Musa

• Göygöldə cüdo üzrə Avropa Kuboku keçiriləcək
• Qismət Alıyev: "Çalışacağıq ki, hər iki matçdan maksimum nəticə ilə ayrılaq" - Müsahibə
• Neymarın sevgilisini və qızını oğurlamaq istədilər
• "Real" "Barselona" ilə xal fərqini azaltdı
• Semih Kılıçsoy Kimdir? “Beşiktaş”ın Gənc Ulduzu