Azərbaycan millisinin futbolçusu Rauf Əliyev I divizionda növbəti oyununu keçirib.

Apasport.az saytının məlumatına görə, “Kəpəz”in hücumçusu Gəncə təmsilçisinin ikinci komandasının “Qarabağ-2” ilə səfər matçında şans qazanıb.

Rauf bu görüşün qəhrəmanı olub. Komandasının 0:1 hesabı ilə geridə olduğu vaxt ustalığını nümayiş etdirən Əliyev 19 dəqiqəyə “Qarabağ”ın ikinci komandasına üç qol vurub. Onun het-triki və son dəqiqələrdə komanda yoldaşının vurduğu top qonaqlara 4:1 hesablı qələbə qazandırıb.

Qeyd edək ki, qol hesabını 8-ə çatdıran Rauf sonradan ikinci komandaya qoşulmasına baxmayaraq bombardirlər yarışında 3-cü pilləyə şərik olub. Onu zirvədəki cütlükdən bir top ayırır.
 

• Ekspert KUPONU
• Klaudio Ranyeri İtaliya klubuna rəhbərlik edə bilər
• "Bavariya"dan "Barselona"nın futbolçusuna təklif
• İngiltərə Kubokunda 1/4 finalın 4 iştirakçısı bilindi
• AFFA-da Lisenziyalaşdırma mövsümünün açılış iclası keçirilib