Ankarada taekvondo üzrə açıq Türkiyə çempionatı davam edir. 

Apasport.az saytının məlumatına görə, yarışın ikinci günündə Azərbaycanın gənclərdən ibarət milli komandası mübarizəyə qoşulub. 

Baş məşqçisi Məmməd Abdullayev və böyük məşqçi Zahid Məmmədovun rəhbərliyi altında çıxış edən yığma aktivinə 1 qızıl, 1 gümüş və 2 bürünc medal yazıb. 

Taekvondoçularımızdan Zemfira Həsənzadə (44 kq) bütün rəqiblərinə qalib gələrək, qardaş ölkədə Azərbaycan himnini səsləndirib. Yalnız finalda məğlub olan Hüseyn Xudiyev (73 kq) gümüş medala yiyələnib. Vasif Səlimov (59 kq) və Səlimə Quliyeva (42 kq) isə G-2 kateqoriyalı çempionatı bürünc mükafatla başa vurub. 

Qeyd edək ki, yarışın ilk günündə yeniyetmə taekvondoçularımız 4 qızıl və 4 bürünc medal əldə ediblər. 

• Romao üçün “Qarabağ”a Ərəbistandan təklif var
• Birinci Liqa: "Qəbələ" "Qaradağ Lökbatan"ı, “İmişli” “Difai Ağsu”nu darmadağın etdi - YENİLƏNİB
• "Dinamo"nun baş məşqçisi: "Cavab matçına çox ciddi hazırlaşmışıq"
• "Səbail" Superliqa klubu ilə bərabərə qaldı
• Çərşənbə kuponu