"Qarabağ"ın prezidenti Tahir Gözel Azərbaycanın Bolqarıstandakı fövqəladə və səlahiyyətli səfiri Hüseyn Hüseynov və onun xanımı ölkəmizin Fransadakı fövqəladə və səlahiyyətli səfiri Leyla Abdullayeva ilə görüşüb.

Apasport.az klubun mətbuat xidmətinə istinadən xəbər verir ki, görüş Çempionlar Liqasının III təsnifat mərhələsinin cavab oyunları çərçivəsində "Ludoqorets"lə qarşılaşacaq təmsilçimizin Bolqarıstana səfəri çərçivəsində baş tutub.

Tahir Gözel göstərilən diqqət və dəstək üçün səfirlərə təşəkkür edib. Hüseyn Hüseynov və Leyla Abdullayeva "Qarabağ"a uğurlar arzulayıb.

Qeyd edək ki, səfirlər bu gün Bakı vaxtı ilə 22:00-da başlayacaq "Ludoqorets" - "Qarabağ" oyununu stadionda canlı izləyəcək.

• Cerrard istefaya göndərildi
• Xavi "Barselona" ilə razılaşdı
• "Qalatasaray" 3 xalı 3 qolla qazandı
• "Beşiktaş" "Borussiya"nın müdafiəçisi ilə maraqlanır
• Üst KUPONU