“Xoşbəxtik ki, qalib gəldik. Əlbəttə ki, performans ürəkaçan deyildi”.
Apasport.az xəbər verir ki, bunu Belçika millisinin baş məşqçisi Domeniko Tedesko deyib.
37 yaşlı mütəxəssis AVRO-2024-ün seçmə mərhələsində Azərbaycana 1:0 hesabı ilə qalib gəldikləri oyunu dəyərləndirib. O bildirib ki, matçın gedişində çətinliklər yaşayıblar: “Daha yaxşı ola bilərdi. İlk yarıda çoxlu problemlərlə qarşılaşdıq. Bu cür oyunlarda ikinci qolu vurmaq lazımdır ki, oyunu “öldürəsən”. Hər 2 hissədə də qol vurmaq lazım idi. Bundan sonra rəqibin ümidləri azalır".
- Azərbaycan millisi kifayət qədər şanslar yaratdı. Bu sizi narahat edir?
- Bəli, edir. Gərək baxaq ki, biz necə müdafiə olunduq, rəqib necə epizodlar yaratdı. Buna bu gecə baxacağıq ki, nəyi dəyişə bilərik. Dünən də demişdim ki, çox adama asan gəlirdi, rahat olacaq deyə düşünürdü. Meydança yaxşı deyildi. Azərbaycan millisi də futbol oynayırdı. Hər şeyin qarşısını almaq lazım deyil. Uzun toplarda çətinlik çəkdik. Qapıçımız da seyvlər etdik.
- Bir sıra epizodlarda futbolçulara rəqibə pressinq etməyə çağırırdız. Komandanın pressinqindən razı deyildiz?
- Təzyiq göstərə bilməməyimiz problem idi. Ötürmələr kifayət qədər olmayanda, rəqib pressinqdən çıxa bilir. Bunun üzərində işləmək lazımdır.
- Trossardın oyunundan razı qaldız?
- Çətin idi. Epizodlarda yaxşı hərəkətlər etdi. Qol vurmaq şansları da var idi.
Oxşar xəbərlər
Ana səhifə
Bütün xəbərlər
Hesabım